AS jy jou al jare voorneem om 'n draai te maak by Franschhoek se Bastilledagvierings, is dit nóú die tyd om reëlings te tref sodat jy vanjaar daar kan wees met die naweek van 12 en 13 Julie. Die hoofstraat sal in rooi, wit en blou versier word om besoekers te verwelkom en die dorp se Franse Hugenote-erfenis te gedenk. Die land se beste bekroonde sjefs en wynmakers sal stalletjies in die middedorp hê, met ingevoerde kase tot handgemaakte sjokolade – en by dit alles Franschhoek se topgehalte-wyne.Vir meer inligting besoek www.franschhoek.org.za.
